銅鑼灣高質火鍋店 夏日冬瓜盅湯底

湯底有十幾款，除咗招牌花膠雞湯鍋之外，仲有麻油雞、椰漿雞、麻辣同幾款口味卜卜蜆煲 近排天氣開始熱，揀咗冬瓜盅湯底消暑😆 火鍋配料擺盤精美好有心思，蔬菜拼盤成盆花咁，就連竹蔗茅根都好特別，用地球儀裝住 ✨消暑冬瓜瑤柱濃湯鍋 造型好似冬瓜盅噴，上枱時出煙好有仙氣屬打卡之選😍 店員等我哋影完相就幫手切開冬瓜 湯底鮮味十足，開始打邊爐之前已經飲咗兩碗湯😋 ✨蘋果木煙燻手切牛頸脊(細) 手切牛頸脊質素高雪花均勻，牛肉味濃郁但唔會太油膩 細份兩人食啱啱好 ✨餃子拼盤 拼盤有齊五款口味餃子，每款兩隻 鮮蝦雲吞鮮味蝦肉新鮮爽口，蟹黃豚肉餃成隻橙色好多蟹黃好足料 當中最鍾意松露蟹肉餃 ✨黃金雙拼 新鮮炸起嘅炸魚皮同響鈴非常香脆 表面鋪滿厚厚一層鹹蛋黃醬，好味到停唔到口 📍 火鍋隨意門 銅鑼灣堅拿道西10號冠景樓1樓A室